Opel ավտոմոբիլային ընկերության ներկայացուցիչները սկսել են ընդունել Insignia Country Tourer նոր ունիվերսալ ամենագնացի նախնական պատվերները։ Դիլերական կենտրոններում մեքենաները կհայտնվեն հաջորդ ամիս։
Նորույթի նվազագույն գինը գերմանական շուկայում կազմել է 34 հազար եվրո։ Ունիվերսալն ունի ավելի մեծ քլիրենս, նաև պաշտպանական պլաստիկ ծածկ և արծաթե շերտ՝ բամպերների վրա։
Ինչ վերաբերում է տեխնիկական բնութագրերին՝ ապա Opel Insignia Country Tourer ունիվերսալն ունի երկու լիտրանոց տուրբինային շարժիչ՝ 260 ձիաուժ հզորությամբ։ Բացի դրանից, կարող է ունենալ նաև դիզելային շարժիչ՝ նույն ծավալով, բայց 170 ձիաուժ հզորությամբ։
Նորույթն ունի նաև Torque Vectoting AWD լիահաղորդ համակարգ, վարորդին ակտիվ օգնության համակարգ, ադապտիվ կրուիզ –քոնթրոլ։