Երեւանում, սեպտեմբերի 16-ին, թմրանյութ պահելու եւ օգտագործելու կասկածանքով ոստիկանություն բերմանէ ենթարկվել 2 քաղաքացի, որոնցից մեկը եղել է «Audi A5» մակնիշի, մյուսը՝ «Mitsubishi» մակնիշի ավտոմեքենայով։
Shamshyan.com-ի փոխանցմամբ, ոստիկանները զննությամբ Audi A5-ի մեջ հայտնաբերել են պոլիէթիլենային տոպրակ, որտեղ եղել է սպիտակ գույնի մոտ 0,6 գրամ կշռով փոշենման զանգված, իսկ Mitsubishi-ի մեջ հայտնաբերվել է 21 հատ տարբեր տեսակի դեղահաբեր, ինչպես նաեւ 2,2 գրամ կշռով դեղնականաչավուն զանգված:
Փաստի առթիվ Ոստիկանության Կենտրոնական բաժնի հետաքննչական բաժանմուքնում հետաքննություն է սկսվել: Նշանակվել է դատաքիմիական եւ տոքսիկոքիմիական փորձաքննություններ:
Աղբյուրի տեղեկություններով՝ Audi A5-ը վարել է Երեւանի բնակիչ 30-ամյա Նիկոլայ Ի.-ն, իսկ Mitsubishi-ն՝ Նոր Հաճնի բնակիչ, 31-ամյա Կարեն Է.-ն: Audi A5-ի վարորդը աշխատում է «Ա.Վ.Ս.» ՍՊԸ-ի տնօրեն: