Իրանը կփակի Իրաքյան Քրդստանի սահմանը, եթե այն հանրաքվեի արդյունքներով Բաղդադից անկախանա: Այս մասին հայտարարել է Իրանի Անվտանգության բարձրագույն խորհրդի քարտուղար Ալի Շամհանին, հայտնում է IRIB-ը:
«Սահմանների մասին համաձայնագրերը գործում են բացառապես Իրաքի կենտրոնական իշխանության հետ, իսկ Քրդստանի անջատումը կնշանակի ընդհանուր սահմանին բոլոր սահմանապահ անցակետերի փակում»,- հայտարարել է Շամհանին՝ նշելով, որ սա կհանգեցնի Իրաքի քրդական շրջանի հետ Թեհրանի համաձայնագրերի վերանայման
Իրանը միայն միասնական Իրաքին եւ այդ երկրի դաշնային իշխանություններին է ճանաչում, շեշտել է նա:
