Չնայած չճանաճված կարգավիճակին, Լեռնային Ղարաբաղը շարունակում է զարգացման այլընտրանքային ճանապարհներ որոնել: Այս մասին սեպտեմբերի 18-ին Լեռնային Ղարաբաղի ԱԳ նախարար Կարեն Միրզոյանը հայտարարեց՝ Հայաստան-Սփյուռք 6-րդ համաժողովի շրջանակում «Լեռնային Ղարաբաղի խնդրի կարգավորման գործընթաց» հարթակում ելույթ ունենալիս:
Նախարարը հատուկ ընդգծեց Լեռնային Ղարաբաղի էներգետիկայի եւ լեռնահանքային արդյունաբերության ոլորտներում ներդրումները: Ըստ Միրզոյանի՝ Լեռնային Ղարաբաղն ապացուցել է, որ հուսալի գործընկեր է՝ ապահովելով կայունությունն ու խաղաղությունը: Աշխարհում Լեռնային Ղարաբաղը պետք է ընկալվի ոչ թե որպես հակամարտության գոտի, այլ որպես հնագույն քաղաքակրթությամբ երկիր: Մեր արտաքին քաղաքականության օրակարգի գլխավոր խնդիրն է մնում Լեռնային Ղարաբաղի անկախության ճանաչումը: Սա հիմա ժամանակի պահանջն է դարձել»,- նշեց Լեռնային Ղարաբաղի ԱԳ նախարարը՝ հավելելով, որ այս ուղղությամբ արդեն դրական տեղաշարժեր կան, որոնք իրականություն են դարձել հայկական սփյուռքի ներկայացուցիչների հավատարմության շնորհիվ:
«Լեռնային Ղարաբաղի միջազգային ճանաչումը նաեւ հստակ մեսիջ կդառնա Ադրբեջանի ագրեսիվ քաղաքականության անթույլատրելիության մասին»,- եզրափակեց Կարեն Միրզոյանը: