Ֆրանսիան նախազգուշացրել էր, որ իրանական միջուկային ծրագրի շուրջ համաձայնագրի պահպանումը կարեւոր է միջուկային սպառազինումների մրցավազքի կանխման տեսակետից, հայտնում է AFP-ը։
Ֆրանսիայի ԱԳ նախարար Ժան Իվ Լե Դրիանի խոսքով՝ հենց պատժամիջոցները, այլ ոչ թե ռազմական գործողություններն են Փհենյանի հրթիռային ու միջուկային փորձարկումների շուրջ ստեղծված ճգնաժամի հաղթահարման միակ միջոցը։ «Շատ կարեւոր է պահպանել համաձայնագիրը, որպեսզի կանխվի զսպանակի տարածումը, որն Իրանում կոշտ քաղաքականության կողմնակիցներին կդրդեր շարունակել միջուկային զենքի մշակումները»,- ասել է Լե Դրիանը։ Նա նշել է, որ համաձայնագրից դուրս գալը կհանգեցնի սպառազինումների մրցավազքին։
ԱՄՆ նախագահ Դոնալդ Թրամփը սպառնացել է հրաժարվել իրանական միջուկային համաձայնագրից՝ այն անվանելով «վատագույն գործարքը»։
«Ֆրանսիան փորձում է համոզել Թրամփին այդ ընտրության կարեւորությունը»,- ասել է նա Թրամփի ու Ֆրանսիայի նախագահ Էմանուել Մակրոնի հանդիպման նախօրեին՝ ՄԱԿ ԳՎ շրջանակում։