Մեքսիկայի Կանկուն կուրորտային քաղաքում զինված մարդիկ սպանել են ամուսնական զույգի ու նրանց հետ գտնվող մի երեխայի։ Ամուսինները դատախազության քննիչներ էին։ Նրանք ռեստորանից դուրս էին գալիս երեխայի հետ, երբ անհայտ անձիք կրակ են բացել, փոխանցում է AP-ը։
Դատախազության ներկայացուցչի խոսքով՝ տղամարդը զբաղվում էր հանցավոր խմբավորումներով ու որոշակի հաջողությունների էր հասել այդ գործում։ Նրան բազմիցս սպառնացել են, ինչի կապակցությամբ ենթադրվում է, որ նրա սպանությունը կապ ունի նրա աշխատանքային գործունեության հետ։