Ճարտարապետների եւ ճարտարագետների համահայկական ընկերակցությունը մտադիր է 2018-ի հոկտեմբերին Արցախում կազմակերպել Ճարտարապետների համահայկական 4-րդ համաժողովը։ Այս մասին NEWS.am-ի թղթակցին հայտնել է Ընկերակցության համանախագահ Գոհար Թութունջյանը:

Նրա խոսքով, վերջերս Ընկերակցությունը մշակել է 8 կետից բաղկացած «Գործողությունների ծրագիր» Ընկերակցության բազմապրոֆիլ մասնագիտություն ունեցող անդամների համար, որով վերջիններիս տրամադրում է մասնագիտական աջակցություն և նրանց համար պայմաններ ստեղծում Հայաստանին կապվել մասնագիտորեն: