Ադրբեջանի մայրաքաղաք Բաքվում ոստիկանության ուժերը զանգվածաբար կալանավորում են սեռական փոքրամասնությունների ներկայացուցիչներին։
Haqqin.az–ի փոխանցմամբ` ձերբակալություններն իրականացվել են մայրաքաղաքի բնակիչների բողոքներից հետո, որոնք գանգատվել են Բաքվի կենտրոնում հասարակական կարգի խախտումից։ Կայքը հայտնում է, որ վերջին տարիներին մարմնավաճառությամբ զբաղվող սեռական փոքրամասնությունները երեկոյան ժամերին կանոնավոր կերպով հայտնվում են քաղաքի կենտրոնում։ Ձերբակալվել է ավելի քան 100 մարդ։