Երեւանի քաղաքապետ Տարոն Մարգարյանը կարծում է, որ Երեւանի գարշահոտությունը շոգի պատճառով է։ Այս մասին նա այսօր՝ սեպտեմբերի 19-ին, հայտարարել է լրագրողների հետ զրույցում։ Նշենք, որ օրեր առաջ Տարոն Մարգարյանը այլ ուղղությամբ էր մեղադրանքներ հնչեցրել՝ վստահեցնելով, թե ձմերուկի եւ սեխի պատճառով են, որի նկատմամբ հայկական օջախներում մեծ պահանջարկ կա՝ ի տարբերություն այլ երկրների։
«Ամենակարեւորը շոգ եղանակն է, էս տարի աննախադեպ շոգ է եղել, ես համաձայն չեմ, արդեն հոտը նվազել է «Սանիթեքը» իր աշխատանքները մեծ թափով սկսել է, օր օրի նկատվում է դրական տեղաշարժ։ Ոչ մեկս չէր պատկերացնում, որ մեկ ամսից ավելի ջերմաստիճանը 40 աստիճան պիտի լիներ»։
Նշենք, որ աղբահանությունից հետո թաղապետարանները պետք է լվանան աղբամանների հարակից տարածքները, որն էլ հենց գարշահոտության գլխավոր պատճառն է, սակայն թաղապետարանը այդ պարտականությունն այդպե սէլ չկատարեց՝ անկախ ջերմաստիճանից։
