Վարչապետ Կարեն Կարապետյանն այսօր՝ սեպտեմբերի 19-ին, հրաժարվել է մեկնաբանել ՀՀԿ-ականների այն կարծիքները, թե 2018թ.-ի ապրիլից հետո վարչապետ Սերժ Սարգսյանին են իրենք տեսնում:
«Մասնավոր անձանց կարծիքները թույլ տվեք չմեկնաբանել, պաշտոնապես ՀՀԿ-ի կարծիքը երբ լինի, այն ժամանակ կխոսենք, դա այդ մարդկանց մասնավոր կարծիքն է, կուսակցությունը դեռ որոշում չունի»,- ասաց վարչապետը լրագրողների հարցին ի պատասխան:
Նշենք, որ ամենաինտրիգային հարցը շարունակում է մնալ՝ ով է լինելու Հայաստանի վարչապետը 2018թ.-ի ապրիլից հետո: Շրջանառվող երկու հիմնական թեկնածուները Սերժ Սարգսյանն ու Կարեն Կարապետյանն են:
