ՌԴ Սախալինի մարզի իշխանությունները հաշվում են երկուշաբթի «Թալիմ» թայֆունի պատճառած վնասները։ Թայֆունը վնասել է 70 տների եւ երկու դպրոցի տանիքներ, երեքշաբթի հաղորդում է նահանգապետի մամուլի ծառայությունը, հայտնում է «ՌԻԱ Նովոստին»։ Տրոպիկական թայֆունը նախօրեին էր հասել Սախալինի մարզ։ Այն իր հետ ուժեղ քամիներ եւ անձրեւներ է բերել։ Կուրիլյան կղզիներում քամու արագությունը հասել է վայրկյանում 40 մետրի։
«Ընդհանուր առմամբ ցիկլոնը վնասել է 70 տների տանիք։ Հարավկուրիլյան շրջանում վնասվել են բազմաբնակարանյին շենքերի 5 տանիքներ։ Իսկ հարեւան Կուրիլյան շրջանում օդային տարերքը շրջկենտրոնում վնասել է դպրոցի շենքի ճակատը եւ բնակելի տների 6 ծխնելույզները»,-ասվում է հաղորդագրության մեջ։
