ԵԱՀԿ Մինսկի խմբի ամերիկացի համանախագահ Էնդրյու Շեֆերը հաստատել է Նյու Յորքում Հայաստանի եւ Ադրբեջանի ԱԳ նախարարների հանդիպում կազմակերպելու ծրագրերը:
Շեֆերն ԱՊԱ-ին հայտնել է, որ ինքը եւ մյուս համանախագահները սեպտեմբերի 18-ից ամբողջ շաբաթ Նյու Յորքում են լինելու Ադրբեջանի եւ Հայաստանի ԱԳ նախարարների հանդիպումն անցկացնելու համար՝ չհստակեցնելով, թե հանդիպումը կոնկրետ երբ է տեղի ունենալու:
Նշենք, որ ԵԱՀԿ Մինսկի խմբի համանախագահներն ավելի վաղ հայտարարել էին Նյու Յորքում սեպտեմբերի 19-25-ը ՄԱԿ Գլխավոր ասամբլեայի նստաշրջանի շրջանակում Ադրբեջանի եւ Հայաստանի ԱԳ նախարարների հանդիպում կազմակերպելու իրենց մտադրության մասին: