Եթե ԱՄՆ-ին սպառնան, մենք այլ ելք չենք ունենա, քան ամբողջությամբ ոչնչացնել Հյուսիսային Կորեան։ Այս մասին ՄԱԿ Գլխավոր Ասամբլեայում իր առաջին ելույթի ժամանակ հայտարարել է ԱՄՆ նախագահ Դոնալդ Թրամփը։
Նրա խոսքով՝ Հյուսիսային Կորեայի բալիստիկական զենքը սպառնում է ամբողջ աշխարհին։
Թրամփը Փհենյանին կոչ է արել գիտակցել, որ ատոմային զենքից հրաժարվելը միակ հնարավոր տարբերակն է։ Հակառակ դեպքում աշխարհի երկրները պետք է մեկուսացնեն Կիմ Չեն Ընի ռեժիմը։
Թրամփն իր երախտագիտությունն է հայտնել Չինաստանին եւ Ռուսաստանին, ինչպես նաեւ այլ երկրներին՝ պատժամիջոցների կիրառման վերաբերյալ քվեակությանը միանալու համար։ Միաժամանակ Թրամփն ընդգծել է, որ «դեռ շատ բան պետք է անել»։
ԱՄՆ նախագահը նաեւ նշել է, որ Հյուսիսային Կորեայի իշխանությունները պատասխանատվութուն են կրում իրենց միլիոնավոր բնակիչների սովի եւ մահվան համար։