Ռուսաստանի ՊՆ պաշտոնական ներկայացուցիչ, գեներալ -մայոր Իգոր Կոնաշենկովը կոչ է արել ԱՄն-ի ղեկավարած միջազգային կոալիցիային ու նրա կողմից աջակցվող ընդդիմությանը չխոչընդոտել ահաբեկիչների դեմ Սիրիայի կառավարական զորքերի գործողություններին, փոխանցում է ՏԱՍՍ-ը։
«Որքան մոտենում է Սիրիայում ԻՊ-ի վախճանը՝ այդքան ավելի ակնհայտ է դառնում, թե ով է իրականում պայքարում ԻՊ-իդեմ, իսկ ով է երեք տարի շարունակ նմանակում այդ պայքարը։ Դրա համար էլ , եթե ԱՄՆ-ի ղեկավարությամբ միջազգային կոալիցիան չի ցանկանում պայքարել ահաբեկչության դեմ Սիրիայում, թող գոնե չխանգարի նրանց, ովքեր դա անում են մշտապես ու արդյունավետորեն»-ասել է նա։
Սիրիական զորքերի դեմ ամենալուրջ հակահարվածները գրանցվում են այն շրջանից, որտեղ գտնվում են ընդդիմության խմբավորումները ու ԱՄՆ հատուկ նշանակության ստորաբաժանումները։
«Առաջնագծից սիրիական հրամանատարների ուղարկած զեկույցների համաձայն՝ սիրիական զորքերի ուղղությամբ առավել լուրջ հակահարվածները ու զանգվածային կրակը հյուսիսային ուղղությունից է գրանցվում։ Այսինքն այնտեղ, որտեղ տեղակայված են «Սիրիական ժողովրդավարական ուժերի» խմբավորումները, նաեւ ԱՄՆ հատուկ գործողությունների ուժերի ստորաբաժանումները, որոնք Ռաքքայի ազատագրման փոխարեն իբրեւ այդ զինյալներին բուժօգնություն են ցուցաբերում» (մեջբերումը CNN-ի)- ասել է Կոնաշենկովը։
