Դոնալդ Թրամփն ամբողջ աշխարհի նախագահը չէ, հետեւաբար չի կարող միջամտել հարավամերիկյան երկրի գործերին։ Այս մասին հայտնել է Վենեսուելայի ԱԳ նախարար Խորխե Արեասան, փոխանցում է ՌԻԱ Նովոստին։
«Թրամփը ամբողջ աշխարհի նախագահը չէ,յուրաքանչյուր երկիր իրավասու է որոշել, թե իր կառավարությունն ինչ համակարգ է ցանկանում զարգացնել»,- ասել է նախարարը ։
Սպիտակ տան ղեկավարը քննադատել էր, մասնավորապես, Վենեսուելայի որդեգրած սոցիալական զարգացման ուղին։
«Ոչ մի համաշխարհային առաջնորդ չի կարող վիճարկել մեր ժողովրդավարությունը, մեր ինքնիշխանությունն ու քննադատել մեր կառավարական մոդելը»,- ասել է Արեասան։ Ընդ որում նա նշել է, որ իր երկիրը կշարունակի փնտրել երկխոսություն ԱՄՆ-ի հետ, բայց կպայքարի իր ինքնիշխանության համար։
Ավելի վաղ, ՄԱԿ տրիբունայից իր ելույթի ժամանակ, Թրամփը հայտնել էր, որ ԱՄՆ-ն պատրաստ է Վենեսուելայի դեմ հետագա գործողությունների, եթե այդ երկրի կառավարությունը չփոխի իիր քաղաքականությունը։
