Մեխիկոյի քաղաքացիական պաշտպանության գործերով նախարար Ֆաուստո Լուգոն հայտնել է երկրաշարժին հաջորդած հրդեհների ու տների փլուզման մասին՝ հավելելով, որ փլատակների տակ մարդիկ են մնացել, փոխանցում է Foro TV հեռուստաալիքը։
«Մենք ունենք փլված շենքեր, հրդեհներ, հաղորդագրություններ կան փլատակների տակ մնացած մարդկանց մասին»,- մեջբերել է հեռուստաալիքը Լուգոյին։
Հիշեցնենք, որ սեպտեմբերի 19-ին հզոր երկրաշարժ է գրանցվել Մեքսիկայի հարավային շրջաններում՝ Պուեբլա –դե Սարագոսա քաղաքից 49 կմ հարավ-արեւմուտք։ Երկրաշարժի օջախը գտնվում էր 60 կմ խորության վրա։