«Սասնա ծռեր» խմբի 14 անդամի գործով դատական նիստը հետաձգվեց պաշտպանների ներկա չլինելու պատճառով։ Նշենք, որ  այս նիստին եւս պաշտպաններ Արայիկ Պապիկյանը եւ Մուշեղ Շուշանյանը չկարողացան ներկայանալ, քանի որ հրաժարվել են  խուզարկվել։ Նրանք համարում են, որ  դատական կարգադրիչները իրենց խուզարկում են, ոչ թե զննում, ինչն անօրինական է։

Գործով մյուս պաշտպաններն այսօր միջնորդություն ներկայացրեցին դատարանին, որ վերանայի դատական կարգադրիչների գործելաոճը եւ թույլ տան բոլորին ներկայանալ նիստին առանց խոչընդոտների։ Պաշտպանները գործադուլ հայտարարեցին մինչեւ դատարանը  կատարի իրենց պահանջը։

Դատավոր Արտուշ Գաբրիելյանն էլ  որոշեց  միջնորդությանը միացած պաշտպանների  նկատմամբ դատական սանկցիա կիրառել անհարգելի բացակայության  հիմքով։