ԱՄՆ Կոնգրեսում հայկական հարցերով կոմիտեի համանախագահ Ֆրենք Փալոնեն եւ արտաքին հարաբերությունների հարցերով կոմիտեի անդամ Թուլսի Հաբարդը այցելել են Արցախ:
Նրանց ուղեկցել է Ամերիկայի Հայ դատի հանձնախմբի (ANCA) նախագահ Րաֆֆի Համբարյանը: «Ինչպես կարողացել են համոզվել Կոնգրեսի մեր բարեկամները, Արցախը չափից ավելի ամերիկյան պատմություն է՝ ազատ ժողովրդի հաղթանակը օտարերկրյա տիրակալության դեմ բռնապետության նկատմամբ ժողովրդավարության արժանի եւ դժվարությամբ նվաճված հաղթանակ է»,- նշել է Համբարյանը:
Փալոնեն եւ Հաբարդն այցելել են Շուշիի եւ Ստեփանակերտի մշակութային եւ կրոնական կենտրոններ, նաեւ ելույթ են ունեցել Արցախի խորհրդարանում: Այցի ընթացքում նրանց ուղեկցել են ԱՄՆ-ում Արցախի մշտական ներկայացուցիչ Ռոբերտ Ավետիսյանը, «Հայաստան» համահայկական հիմնադրամի նախագահ Մարիա Մեհրանյանը եւ Ամերիկայի Հայկական ասամբլեայի համանախագահ Էնթոնի Բարսամյանը:
Հիշեցնենք, որ ԱՄՆ կոնգրեսական Դեւիդ Վալադաոն սեպտեմբերի 18-ին նույնպես Արցախ էր այցելել, որտեղ ANCA-ի նախագահ Րաֆֆի Համբարյանի հետ հետեւել էր HAlO Trust կազմակերպության ներկայացուցիչների ականազերծման աշխատանքներին: