Թուրքիան Հաթայ նահանգի Ռեյհանլը շրջանում՝ Սիրիայի սահմանին, հատուկ նշանակության զորքեր է տեղակայում, հայտնում է Anadolu–ն՝ վկայակոչելով իր ռազմական աղբյուրները։

Թուրքիան Սիրիայի հետ սահմանին ռազմական տեխնիկայի վերատեղակայում է իրականացնում օգոստոսից։ Կիրակի թուրքական լրատվամիջոցները հայտնել են, որ Հաթայում 80 միավոր զրահատեխնիկա է տեղակայվել։

Հաղորդվում է, որ հատուկջոկատայինները ավիատրանսպորտով տեղափոխվում են Ռեյհանլը շրջան։ Գործակալության տեղեկություններով՝ հատուկ նշանակության ջոկատը տեղակայվել է Սիրիայի հետ սահմանին Թուրքիայի ԶՈւ ստորաբաժանումների ուժեղացման  համար։