ԱՄՆ նախագահ Դոնալդ Թրամփը ՄԱԿ ԱԽ-ին կոչ է անում ավելի կոշտ ու արագ գործողություններ ձեռնարկել, վերջ տալու համար Մյանմարում ռոհինջա մուսուլմանների հետ կապված ճգնաժամին։ Այս մասին հայտնել է ԱՄՆ փոխնախագահ Մայք Փենսը՝ ելույթ ունենալով ՄԱԿ ԱԽ նիստի ժամանակ ու նշելով, որ Մյանմարում բռնությունը սպառնում է թե տարածաշրջանի, թե դրա սահմաններից դուրս գտնվող երկրներին, փոխանցում է Reuters-ը։
Նա Մյանմարի զինվորականներին մեղադրել է անհամաչափ արձագանքի մեջ՝ «սարսափելի վայրագության, գյուղերը հրկիզելու, ռոհինջա մուսուլմաններին տներից արտաքսելու» միջադեպերի համար։ Փենսը կրկնել է ԱՄՆ կոչը Մյանմարի զինվորականներին ՝ անհապաղ դադարեցնել բռնությունները ու աջակցել երկարաժամկետ կարգավորման որոնմանն ուղղված դիվանագիտական ջանքերին։ «Նախագահ Թրամփն ու ես ՄԱԿ ԱԽ-ին կոչ ենք անում կոշտ ու հրատապ քայլեր ձեռնարկել, ճգնաժամին վերջ տալու ու ռոհինջա ազգին օգնելու համար»,- ասել է նա։