Պաղեստինի առաջնորդ Մահմուդ Աբբասը ՄԱԿ-ին կոչ է արել ձեռնարկել ջանքեր «Պաղեստինի իսրայելական օկուպացիային» սահմանված ժամկետներում վերջ տալու համար ։ Այս մասին նա հայտնել է ՄԱԿ գլխավոր Ասամբլեայում իր ելույթի ժամանակ։
Նրա խոսքով՝ Իսրայելը սպառնալիքի տակ է դնում «երկու պետությունների» մասին որոշումը՝ շարունակելով ընդլայնել իր բնակավայրերը պաղետինյան տարածքներում՝ այդ թվում Արեւելյան Երուսաղեմում, ինչի կապակցությամբ Պաղեստինյան պետության համար այլեւս չկա ֆիզիկական տարածք։ Նա նախազգուշացրել է, որ եթե «երկու պետությունների» մասին առաջարկությունը տապալվի՝ ապա պաղեստինցիներն այլեւս ընտրություն չեն ունենա ու ստիպված կլինեն «շարունակել պայքարը ու պահանջել լիարժեք իրավունքներ պատմական Պաղեստինի բոլոր բնակիչների համար»։
