Ամենայն հայոց կաթողիկոս Գարեգին 2-րդը կարծում է, որ եկեղեցիների կառուցման դրամամիջոցների աղբյուրի հարցը պետք է հետաքրքրի իրավապահ մարմիններին, այլ ոչ եկեղեցուն:
Լրագրողների հետ զրույցում հարցը՝ համաձա՞յն է այն պնդումներին, որ Հայաստանում միակ ճիշտ ներդրումը եկեղեցի կառուցելն է, կաթողիկոսն ավելորդ համարեց:
Լրագրողները հետաքրքրվեցին կաթողիկոսի դիրքորոշմամբ այն հարցի վերաբերյալ, թե ով եւ ինչ միջոցներով է եկեղեցիներ կառուցում: «Եկեղեցին կառուցվում է ազնիվ մղումներով: Մենք չենք կարող մեզ իրավունք վերապահել պարզելու, թե ինչ միջոցներով է եկեղեցին կառուցվում: Եթե ինչ-որ մեկն անազնիվ ճանապարհով է փող ձեռք բերել, դատարան, համապատասխան կառույցներ կան, որոնք կարող են դա պարզելով զբաղվել»,- հիշեցրեց Գարեգին 2-րդը: