Օրենքով գողերը էնքա՜ն գառի նման խելոք են իրանց պահում: Այս մասին այսօր՝ սեպտեմբերի 21-ին, լրագրողների հետ զրույցում հայտարարել է ՀՀ ոստիկանապետ Վլադիմիր Գասպարյանն՝ անդրադառնալով երկրում «օրենքով գողերի», կրիմինալ միջավայրի ակտիվացմանը:
«Օրենքով գողերը էնքա՜ն խելոք են իրանց պահում, չկասկածեք դրանում»,-ասել է ոստիկանապետը:
Անդրադառնալով օրը ցերեկով Վերնիսաժի հարեւանությամբ տեղի ունեցած սպանությանը՝ ասել է. «Տեսել եք անցյալը, դրանք բռնված, դատված... բոլոր նախկին հանցագործությունենրը բացահայտված են, տականքը մնում է տականք: Չբացահայտվող հանցագործություններ չկան։ Բացահայտման դինամիկան, տոկոսը շատ լավն ա։ Անցած դեպքերից մեկը բացահայտվել է, շուտ կբռնենք, մյուսն էլ բացահայտվում է, էլի շուտ կբռնենք»: