Թաիլանդի Գերագույն դատարանը որոշում է կայացրել փոխհատուցել երկրի օդանավակայանների օպերատորին: 13 ակտիվիստ պետք է 16 միլիոն դոլար վճարի 2008 թ. բողոքի ակցիաների ժամանակ Բանգկոկի երկու խոշոր միջազգային օդանավակայանները փակելու համար, հաղորդում է Reuters-ը։
Բողոքողները երկու շաբաթից ավել «զավթել էին» միջազգային օդանավակայանները, ինչի արդյունքում հարյուրավոր թռիչքներ հետաձգվել էին։
Ակտիվիստների ներկայացուցիչը հայտարարել է, որ իրենց տարիներ են պետք ամբողջ գումարը հավաքելու համար։