ՄԱԿ քննիչները կօգնեն Իրաքին ապացույցներ հավաքել «Իսլամական պետության» ծայրահեղականների դեմ ռազմական հանցագործությունների մասին քրեական գործի հարուցման համար։ Նման որոշում է կայացրել ՄԱԿ Անվտանգության խորհուրդը, հաղորդում է AP։
Անվտանգության խորհուրդը միաձայն է ընդունել բանաձեւը, որը կոչ է անում ՄԱԿ-ին ստեղծել քննչական մարմին, որպեսզի օգնի Իրաքին ԻՊ իրականացրած «ռազմական հանցագործությունների, մարդկության դեմ կատարված հանցագործությունների եւ ցեղասպանության» վերաբերյալ ապացույցներ հավաքել։
«Այս բանաձեւը նշանակում է, որ միջազգային հանրությունը միակարծիք է այն հարցում, որ հանցագործություններ իրականացնողը պետք է պատասխանատվություն կրի դրանց համար»,- ասել է Բրիտանիայի Մերձավոր Արեւելքի հարցով նախարար Ալասթեր Բերթը՝ խոստանալով 1 մլն ֆունթ քննչական միջոցառումների համար։
