Իրանի հոգեւոր առաջնորդ, այաթոլա Ալի Սեյեդ Խամենեին ԱՄՆ նախագահ Դոնալդ Թրամփի ելույթը ՄԱԿ-ում անվանել է «հիմար, տգեղ ու անբարեկիրթ»
«ԱՄՆ նախագահի հիմար, շատ տգեղ ու անբարեկիրթ ելույթը՝ գանգստերական ու կովբոյական բառապաշարով, բացահայտ ստերով լի, բխում է նրանց բարկությունից, թեթեւամտությունի ու խուճապից»,- ասել է Խամենեին, փոխանցում է Tasnim-ը։
Նրա խոսքով՝ արդեն բազում տարիներ ամերիկացիները փորձում են իրականացնել իրենց «Նոր Մերձավոր արեւելք» կամ «Մեծ Մերձավոր արեւելք» կոչվող ծրագիրը Արեւմտյան Ասիայում, որի կենտրոնում Իրաքն է, Սիրիան ու Լիբանանը, սակայն այդ ծրագիրը պարտություն է կրել բոլոր երեք երկրներում։
