Քենիայի նախագահական ընտրությունները կանցկացվեն հոկտեմբերի 26-ին։ Ավելի վաղ հայտնել էին, որ դրանք հոկետմբերի 17-ին են անցկացվելու, փոխանցում է AP-ն։ Դա կապակցված է որոշման ամբողջական տեքստի հետ, որը նախօրեին հրապարակել էր Քենիայի Գերագույն դատարանը։
Հիշեցնենք, որ Քենիայում նախագահական ընտրությունները կայացել են օգոստոսին։ Հաղթել էր գործող նախագահ Ուհուրու Քենյատան։ Սակայն ընդդիմությունը բողոքարկել էր ընտրությունների արդյունքները։ Երկրի Գերագույն դատարանը չեղարկել էր ընտրությունների արդյունքները ու վճռել նոր ընտրություններ անցկացնել 60 օրվա ընթացքում։
