ԵՄ դեսպանները սկզբնական համաձայնության են հասել Հյուսիսային Կորեայի դեմ լրացուցիչ տնտեսական պատժամիջոցներ սահմանելու հարցում, որոնք ՄԱԿ պատժամիջոցային փաթեթից դուրս են։ Այս մասին հայտնում է Reuters –ը՝ վկայակոչելով ԵՄ-ում իր աղբյուրները։
«Այսօր ԵՄ անդամ երկրների դեսպանները պայմանավորվել են նոր ավտոնոմ միջոցառումների փաթեթի մասին»,- ասել է ԵՄ ներկայացուցիչը։ Նա նշել է, որ մոտ ութ հյուսիսկորեացի պաշտոնյաներ են հավանաբար ընդգրկվելու ԵՄ պատժամիջոցային լրացուցիչ ցուցակում։
Որոշումը, ամենայն հավանականությամբ, կընդունվի ԵՄ ԱԳ նախարարների հերթական նիստի ժամանակ, հոկտեմբերի 16-ին։