Եթե քննիչը քննության շահերից ելնելով՝ բանտային տեսակցությունները թույլ չի տալիս, ապա չի կարելի կալանավորվածի մոտ թույլ տալ նույնիսկ բարձրագույն պաշտոնյաներին: Այս մասին նշված է «Ձերբակալված եւ կալանավորված անձանց պահման մասին» օրենքում փոփոփոխությունների օրինագծի կառավարության եզրակացության մեջ, որը ներկայացրել էին «Ելք» դաշինքի պատգամավորները:
Կառավարության սեպտեմբերի 22-ի նիստում եզևրակացությունը ներկայացնելիս արդարադատության նախարար Դավիթ Հարությունյանը նշեց, որ մի շարք դեպքերում քննիչը սահմանափակում է կալանավորվածի հետ տեսակցությունները: «Ելք» դաշինքի պատգամավորներն առաջարկում են, որ այս արգելքը չտարածվի այն անձանց վրա, որոնք քրեակատարողական հաստատություններ առանց խոչընդոտի մտնելու իրավունք ունեն՝ նախագահին, վարչապետին, Սահմանադրական դատարանի նախագահին, պատգամավորներին եւ այլոց:
«Այնուամենայնիվ, քննության անկախությունը պետք է ավելի կարեւորվի, եւ քննիչի արգելքի դեպքում կարելի թույլ տալ միայն մարդու իրավունքների պաշտպանին կամ ապաշխարող քահանային»,- հավելեց Հարությունյանը:
