Հայաստանում «խելացի» դրամապանակների արտադրող «Էրա Թեքնոլոջիս» ընկերությունը հարկային արտոնություններ կստանա։ Այս մասին համապատասխան որոշումն ընդունվել է սեպտեմբերի 22-ին Կառավարության նիստում։
Ընկերությանը թույլատրվում է աշխատել «Ալյանս» ազատ տնտեսական գոտում, որն ազատված է կորպորատիվ հարկերից։ Տնտեսական զարգացման եւ ներդրումների փոխնախարար Գարեգին Մելքոնյանը նիստում հայտարարեց, որ ընկերությունն ուզում է 2.3 մլն դոլար ներդնել եւ 15 աշխատատեղ բացել, իսկ հետագայում այդ թիվը հասցնել 50-ի։ 2018 թվականին ընկերությունն ուզում է 0.5 մլն դոլարի արտադրանք արտահանել, իսկ հաջորդ տարիներին՝ արդեն մինչեւ 2 մլն դոլարի ապրանք։
Smart-դրամապանակներն ունեն հեռակառավարվող ազդանշանային համակարգ, գողերին ճանաչելու տեսախցիկ, GPS եւ այլ սարքեր, եթե դրամապանակը գողանան կամ այն կորցնեք։