«Զվարթնոց» միջազգային օդանավակայանով ավիատոմսերի գները մրցունակ են եւ տարածաշրջանում ամենաթանկը չեն: Սեպտեմբերի 22-ին լրագրողների հետ հանդիպման ժամանակ այս մասին ասաց Հայաստանի Քաղաքացիական ավիացիայի գլխավոր վարչության ղեկավար Սերգեյ Ավետիսյանը:
Անդրադառնալով Երեւանի եւ Թբիլիսիի օդանավակայանների միջեւ գների տարբերությանը՝ Ավետիսյանը նշեց. «Եթե նախկինում Թբիլիսիից չվերթները նախընտրող Հայաստանի քաղաքացիները շատ էին, ապա հիմա նրանք բավականին փոքր թիվ են կազմում: Տոմսերի գների միջեւ տարբերությունը երբեմն Թբիլիսիի օգտին է լինում, երբեմն՝ Երեւանի»: