Հայաստանի տնտեսական ակտիվությունը օգոստոսին կազմել է 5.5 տոկոս։ Այս մասին սեպտեմբերի 22-ին՝ լրագրողների հետ հանդիպման ժամանակ, հայտարարել է տնտեսագետ Վիլեն Խաչատրյանը:
Նրա խոսքով՝ սա նշանակում է, որ այս տարվա հուլիսի համեմատ՝ Հայաստանում արձանագրվել է տնտեսական աննշան անկում։ Հուլիսին տնտեսական ակտիվութունը կազմել է 6.2 տոկոս։
«Գյուղատնտեսության ոլորտում խնդիրներ կան: Այստեղ գրանցվել է 10 տոկոս անկում», - ընդգծել է Խաչատրյանը` հավելելով, որ դրա պատճառը կարող է լինել Թուրքիայից լոլիկի ներմուծման կրճատումը, որը հետագայում արտահանվել է Ռուսաստան հայկական արտադրանքի անվան տակ կամ տնտեսագետների սխալ հաշվարկները։ Ըստ փորձագետի՝ 8 տոկոս անկում է գրանցվել է նաեւ շինարարության ոլորտում։