Գյումրու «Շիրակ» օդանավակայանում 2017 թվականին կկատարվի 2 մլն դոլարի ներդրում։ Այս մասին սեպտեմբերի 22-ին՝ լրագրողների հետ հանդիպման ժամանակ, ասել է ՀՀ քաղավիացիայի գլխավոր վարչության պետ Սերգեյ Ավետիսյանը։
Նրա խոսքով՝ օդանավակայանում կառուցվում է սարքավորումների նոր պահեստ, կաթսայատուն, տեղադրվում է ջեռուցման համակարգ, ինչպես նաեւ փոխվում են ուղեւորների տերմինալի պատուհանները։
Հիշեցնենք, որ 2016-ին՝ երկարատեւ ընդմիջումից հետո, վերագործարկվեց «Շիրակ» օդանավակայանը։ 2017-ի ապրիլից օդանավակայանում է տեղակայվել «Տարոն-ավիա» ավիաընկերությունը։