Ադրբեջանի մոտ 900 քաղաքացի միացել է Սիրիայի եւ Իրաքի ապօրինի զինված կազմավորումներին եւ ահաբեկչական կազմակերպություններին: Այս մասին «Ինտերֆաքս-Ադրբեջանին» հայտնել են Ազգային անվտանգությանից։
«Մեր տեղեկություններով՝ Մերձավոր Արեւելքում (Սիրիայում եւ Իրաքում-խմբ) ռազմական գործողությունների սկսվելուց ի վեր շուրջ 900 ադրբեջանցի միացել է ապօրինի զինված կազմավորումներին եւ ահաբեկչական կազմակերպություններին: Մենք նաեւ տեղեկություններ ունենք, որ նրանցից շատերը սպանվել են հակաահաբեկչական գործողությունների ժամանակ»,-ասել է աղբյուրը:
Ավելի վաղ Ազգային անվտանգության ծառայության ղեկավարի տեղակալ գեներալ-մայոր Իլքար Մուսաեւը «Ինտերֆաքս-Ադրբեջանին»-ին ասել էր, որ ահաբեկչական կազմակերպություններին միացած 82 անձ Ադրբեջան վերադառնալուց հետո պատասխանատվության է ենթարկվել։ Եվս 151 մարդ ահաբերկչական կազմակերպությունների կազմում ռազմական գործողություներին մասնակցելու համար, համաձայն Ադրբեջանի քաղաքացիության մասին օրենքի, զրկվել է քաղաքացիությունից։