Իրանի միջուկային ծրագրի մասին գործարքը հաստատվել է ՄԱԿ ԱԽ-ում ու այն փոխել չի կարելի։ Այս մասին հայտնել է Ռուսաստանի ԱԳ նախարար Սերգեյ Լավրովը, փոխանցում է ՌԻԱ Նովոստին։
«Ոչ միայն Ռուսաստանն է ասել, որ պետք է փրկել այդ ծրագիրը։ Այդ մասին ասել են բոլոր եվրոպական երկրները, որոնք մասնակցել են բանակցություններին ու նույնն են ասում նաև ՄԱԿ անդամ երկրների մեծ մասը։ Այդ ծրագիրը ավարտուն տեսք ունի, այն հաստատվել է ՄԱԿ ԱԽ բանաձևով ու այդ ծրագիրը փոխելը հավասարազոր է ձեռքբերվածը ջնջելուն»,- ասել է Լավրովը ՄԱԿ-ում ամփոփոիչ մամուլի ասուլիսի ժամանակ։
Նրա խոսքով՝ Իրանի հանդեպ ԱՄՆ-ի կողմից որևէ մտահոգության առկայության դեպքում «այն պետք է լուծվի այն ձևաչափերի շրջանակում, որոնք համապատասխանում են դրան»։
«Իսկ խնձորն ու նարինջը շփոթելը հավանաբար այնքան էլ ճիշտ չէ, առավել ևս նման բարդ հարցում, ինչպիսին է իրանական միջուկային ծրագրի մասին պայմանավորվածությունը»,- շեշտել է Լավրովը։
