Չինաստանի առեւտրի նախարարությունը հայտնել է, որ սեպտեմբերի 23-ից սկսած կսահմանափակի բնական գազ մատակարարումները ԿԺԴՀ։ Գերատեսչության հաղորդագրության մեջ նշվում է, որ հոկտեմբերի 1-ից սկսած ՉԺՀ-ն կսահմանափակի նավթամթերքի մատակարարումները հարեւան երկիր, փոխանցում է ՏԱՍՍ-ը։
«Տվյալ հայտարարության հրապարակման օրվանից դադարեցվում են գազի կոնդենսատի ու հեղուկ բնական գազի մատակարարումները ԿԺԴՀ»,- ասվում է փաստաթղթում։ Արգելքը տարածվում է նաեւ էներգակիրների վրա, որոնք արդեն պատրաստ են փոխադրման, բայց դեռ չեն մատակարարվել Հյուսիսային Կորեա։
Հաղորդագրության մեջ նաեւ նշվում է, որ ՄԱԿ ԱԽ 2375բանաձեւը իրականացնելու համար 2017-ի հոկտեմբերի 1-ից սահմանափակվում է նավթամթերքների մատակարարումները ԿԺԴՀ։
Նախարարությունը նաեւ հայտնել է, որ դադարեցվում են ԿԺԴՀ-ից տեքստիլի մատակարարումները։ Ամբողջական արգելքն ուժի մեջ կմտնի դեկտեմբերի 11-ից։