Հյուսիսային Կորեայի ԱԳ նախարար Լի Յոն Հոն ՄԱԿ ամբիոնից հնչած՝ ԱՄՆ նախագահ Դոնալդ Թրամփի ելույթն անխոհեմ է անվանել եւ հայտարարել, որ ԱՄՆ ղեկավարը Սպիտակ տունը վերածել է «աղմկոտ շուկայի», փոխանցում է ՏԱՍՍ-ը։
ՄԱԿ Գլխավոր ասամբլեայի շրջանակում իր ելույթի ժամանակ Հոն նաեւ նշել է, որ ԱՄՆ-ը եւ դաշնակիցները պետք է երկար մտածեն, նախքան Հյուսիսային Կորեայի դեմ ռազմական սադրանքների դիմելը։ Նրա խոսքով՝ Կորեայի Ժողովրդա-դեմոկրատական Հանրապետությունը պատասխանատու միջուկային տերություն է, սակայն «դաժան միջոցների» կդիմի հարձակման դեպքում։
Նա նշել է, որ Փհենյանը Վաշինգտոնի հետ ռազմական պարիտետի է ձգտում, իսկ միջուկային ուժերը ինքնապաշտպանական միջոցներ են։