Արհեստական ինտելեկտը կարող է մարդկությանը սպառնալիք ներկայացնել, կարծում են ամերիկացի գիտնականները: Նրանց կարծիքով՝ գիտությունը եւ տեխնիկական առաջընթացը պետք է աստիճանաբար զարգանան՝ առանց ուժգին ցատկերի, փոխանցում է Oane-ը:
Մասնագետներն այսպիսի եզրակացության են հանգել՝ իրականացնելով Hubspot Research հետազոտությունը: Հարցվածների 90 տոկոսը նշել է, որ ցանկանում է իր գաջեթի աշխատանքը բարելավել արհեստական ինտելեկտի ներդրման միջոցով: Հարցվածների մեծ մասը նշել է, որ սմարթֆոններն ու պլանշետները չեն կարող մարդուն վտանգ սպառնալ:
Սակայն գիտնականները նշում են, որ սարքերի տերերի 63 տոկոսը ենթարկվել է դրանց ազդեցությանը: Մասնավորապես՝ էլեկտրոնային կոմերցիան թույլ է տվել նույնիսկ ամենախոշոր գործողությունները թվային ձեւաչափի փոխանցել, որը հաճախ խափանումներ է առաջացնում: