Երեւանում սեպտեմբերի 24-ին, խոշոր ավտովթար է տեղի ունեցել. ժամը 23:30-ի սահմաններում, Մալաթիա-Սեբաստիա վարչական շրջանի Անդրանիկի փողոցում BMW-X 6 մակնիշի 01 GM 088 համարանիշի ավտոմեքենայի վարորդը բախվել է ճանապարհի թույլատրելի հատվածում կայանված քարշակ ավտոմեքենայի հետնամասին:
Shamshyan.com-ի փոխանցմամբ, վթարի հետեւանքով 2 մարդ տեղափոխվել է «Աստղիկ» բժշկական կենտրոն: Աղբյուրի տեղեկություններով, վարորդը եղել է երիտասարդ աղջիկ, նրա 2 ուղեւորները նույնպես աղջիկներ են եղել:
Ոստիկանությունը պարզում է վարորդի եւ վիրավորների ինքնությունը: Հիվանդանոցից հայտնել են, որ վիրավորների կյանքին վտանգ չի սպառնում: