Երեւանում այսօր՝ սեպտեմբերի 25-ին, մեկնարկում է Տնտեսական, առեւտրային, գիտական եւ տեխնիկական համագործակցության հարցերով հայ -իրաքյան միջկառավարական համատեղ հանձնաժողովի չորրորդ նիստը:
ՀՀ տարածքային կառավարման եւ զարգացման նախարարությունից NEWS.am-ին հայնտում են, որ նիստը տեւելու է սեպտեմբերի 25-ից 26-ը: Հայկական կողմը գլխավորում է ՀՀ տարածքային կառավարման եւ զարգացման նախարար Դավիթ Լոքյանը, իրաքյան կողմի համանախագահը Իրաքի Հանրապետության գյուղատնտեսության նախարար Ֆալահ Հասան Զիդան ալ-Լուհայիբին է: Իրաքյան պատվիրակությունն արդեն Հայաստանում է:
Հիշեցնենք, որ 2016 թվականին Բաղդադում կայացել էր Տնտեսական, առեւտրային, գիտական եւ տեխնիկական հարցերով հայ-իրաքյան հանձնաժողովի 3-րդ նիստը եւ համաձայն 2013թ. նոյեմբերի 6-ին Երեւանում Հայաստանի Հանրապետության եւ Իրաքի Հանրապետության կառավարությունների միջեւ ստորագրված Տնտեսական, առեւտրային, գիտական եւ տեխնիկական համագործակցության համաձայնագրի հոդված 3-ի՝ 2017թ. սեպտեմբերի 25-26-ին էլ Երեւանում է կայանալու հայ-իրաքյան միջկառավարական հանձնաժողովի 4-րդ նիստը:
Իրաքյան պատվիրակության այցի ընթացքում Իրաքի Հանրապետության գյուղատնտեսության նախարար Ֆալահ Հասսան Զիդան Ալ-Լուհայիբին հանդիպումներ կունենա բարձրաստիճան պաշտոնյաների հետ: