Արա լեռան գոտում, այսօր՝ սեպտեմբերի 25-ին, ժամը 10:15-ի դրությամբ, ծխացող օջախներ չկան. իրականացվում է հերթապահություն:
Հայաստանի ԱԻՆ-ից NEWS.am-ին հայտնում են, որ աշխատանքներն իրականացվում են 4 տեղամասով: Հերթապահում է 47 փրկարար ծառայող (5 միավոր տեխնիկա):
Ավելի վաղ NEWS.am-ը հայտնել էր, որ Արա լեռան լանջին սեպտեմբերի 21-ին բռնկված հրդեհի հրդեհաշիջման աշխատանքները շարունակվում են. սեպտեմբերի 24-ին ժամը 09:00-ի դրությամբ Արայի լեռան գոտում հրդեհաշիջման աշխատանքներն իրականացվում են 4 տեղամասով, առկա է 19 ծխացող օջախ:
Հիշեցնենք, որ Արա լեռան լանջին հրդեհ է բռնկվել սեպտեմբերի 21-ին:
