News
Լրահոս
News
Երեքշաբթի
Նոյեմբեր 30
Տեսնել լրահոսը

Մայքրոսոֆթ ինովացիոն կենտրոն Հայաստանը ՎիվաՍել-ՄՏՍ-ի հետ համատեղ Երեւանում կազմակերպել էր Seedstars միջազգային մրցույթի երեւանյան փուլը։

Միջոցառման ընթացքում 70 հայտադիմումից ընտրված 11 ստարտափ Նորարարական լուծումների եւ տեխնոլոգիաների կենտրոնում ներկայացրել  է  իր արտադրանքը միջազգային եւ տեղական մասնագետներից կազմված ժյուրիի անդամներին։ Ժյուրիի անդամները ներկայացված պրոդուկտները գնահատել են մի քանի չափանիշով՝ թիմը, առկա վիճակը, կիրառելիությունը ավելի մեծ շուկայում, ստեղծած արժեքը եւ այլն։ Հատկապես մեծ հետաքրքրություն են ներկայացրել արհեստական բանականության եւ մեքենայացված ուսուցման հենքով պրոդուկտները, որոնք լուծումներ են առաջարկում առողջապահության, կրթության եւ ֆինանսների կառավարման գործում: «Այս տարվա միջոցառման մասնակից ստարտափները հաճելիորեն զարմացրեցին, շատերի պրոդուկտները բավականին հղկված էին եւ պատրաստ դուրս գալու միջազգային շուկաներ, շատերը արդեն ունեին նշանակալի ձեռքբերումներ թե ներգրավված ներդրումների, թե թիրախային շուկաներում պրոդուկտի զարգացման առումով։ Կարեւոր եմ համարում ընդգծել նաեւ, որ բոլոր պրոդուկտները միտված էին մեծ ու գլոբալ խնդիրների լուծմանը։ Այս դրական փոփոխությունները եւ զարգացման միտումները հայկական ստարտափ էկոհամակարգի եւ բոլորիս կարեւոր ձեռբերումն է», - նշել  է Մայքրոսոֆթ ինովացիոն կենտրոնի տնօրեն Արտաշես Վարդանյանը։

Մրցույթի վերջնական արդյունքներն ու հաղթողի անունը հայտարարել է ժյուրիի անդամ, միջոցառման գլխավոր գործընկեր ՎիվաՍել-ՄՏՍ-ի տեղեկատվական համակարգերի վարչության պետ Թհոմաս Մազեջյանը:

Ժյուրիի որոշման արդյունքում Շվեյցարիայում կայանալիք «Seedstars» միջազգային մրցույթին Հայաստանը կներկայանա Chessify թիմով, որի ստեղծած արտադրանքն հնարավորություն է տալիս հեռախոսով գրքից նկարել խնդիրը, թվայնացնել ու աշխատել դրա վրա. տեղաշարժել խաղաքարերը, վիզուալ ավելի հեշտ պատկերացնել հետագա քայլերը: Ներկայումս այն ունի արդեն 100,000-ից ավել ներբեռնում։ Միջազգային մրցույթում ստարտափը հնարավորություն կունենա իր պրոդուկտը ներկայացնելու հնարավոր ներդրողների, գործընկերների դատին եւ պայքարելու 1 միլիոն ԱՄՆ դոլարի չափով մրցանակի համար։

Հայաստանյան փուլի երկրորդ եւ երրորդ տեղերը զբաղեցրել են համապատասխանաբար Inapptics եւ Breedge ընկերությունները։

Մրցույթի տեղական փուլի կազմակերպմանն  աջակցեցին միջոցառման գլխավոր գործընկեր, Հայաստանի հեռահաղորդակցության առաջատար օպերատոր ՎիվաՍել-ՄՏՍ-ը, Շվեյցարիայի դեսպանատունը Հայաստանում, Նորարարական լուծումների եւ տեխնոլոգիաների կենտրոնը եւ Մայքրոսոֆթ Էր-Էյ ընկերությունը։ Միջոցառման արծաթե գործընկերն է «Ամերիաբանկ» ՓԲԸ-ն։

Տպել
Կարդացեք նաև
Ամբողջը
Վիրավորում ստացած զինվորների համար նախատեսված ժամանակակից օրթեզների առաջին խմբաքանակը Հայաստանում է. Վիվա-ՄՏՍ (ֆոտո)
Ժամանակակից օրթեզների առաջին խմբաքանակը Հայաստանում է...
Հայաստանի թվային օրակարգի վերաբերյալ քննարկում՝ հեռահաղորդակցության ոլորտի ընկերությունների ղեկավարների մասնակցությամբ
Ի՞նչ է թվային վերափոխումը...
Երեւանում անցկացվել է «Սիլիկոնային սարեր 2021» միջազգային տեխնոլոգիական գագաթնաժողովը (ֆոտո)
ԲՏԱ նախարարը նկատել է, որ վերջին մեկ ամսվա ընթացքում տեղեկատվական և հաղորդակցական տեխնոլոգիաների, բարձր տեխնոլոգիական բնագավառի…
ՏՏ ոլորտում համաշխարհային ներդրման համար ՀՀ պետական մրցանակի 2020-ի դափնեկիրը «Սինոփսիս»-ի նախագահ Չի-Ֆուն Չանն է (ֆոտո)
Արայիկ Հարությունյանը մրցանակը հանձնել է Չի-Ֆուն Չանին և շնորհավորել նրան այդ կապակցությամբ: «Ցավոք, նախորդ տարի մեզ չհաջողվեց այս միջոցառումը...
Հնարավոր են զանգեր և նամակներ կասկածելի համարներից. «Վիվա-ՄՏՍ»-ը զգոնության կոչ է անում
Միաժամանակ, ընկերությունը հորդորում է զերծ մնալ կասկածելի...
Բնության հետ հաշտ՝ մարդկության ապագայի համար. «Արևորդի» միջազգային բնապահպանական փառատոնը շարունակում է առաքելությունը
Բնապահպանական խնդիրները վեր հանելու և դրանց դեմ պայքարի մեթոդները տարբեր են, նպատակը մեկն է և կարևոր: Բնության հետ հաշտ ապրելը բխում է...