News
Լրահոս
News
Շաբաթ
Դեկտեմբեր 04
Տեսնել լրահոսը

Նախագահ Սերժ Սարգսյանն այսօր ընդունել է Ռուսաստանի Դաշնության կրթության եւ գիտության նախարար Օլգա Վասիլեւային: Հանրապետության Նախագահը, ողջունելով հյուրին մեր երկրում, նշել է, որ հումանիտար համագործակցության հարցերը, այդ թվում՝ կրթության եւ գիտության ոլորտներում, կարեւոր տեղ են զբաղեցնում հայ-ռուսական ռազմավարական գործընկերության օրակարգում: Սերժ Սարգսյանը հույս է հայտնել, որ նախարարի այցը նոր ազդակ կհաղորդի այդ համագործակցությանը: «Ինչպես ամենուր, մենք եւս Հայաստանում մեծ կարեւորություն ենք տալիս կրթական համակարգի զարգացմանը, եւ այդ համակարգի առջեւ բարձր որակավորմամբ ու աշխատաշուկայում պահանջարկ ունեցող մասնագետների պատրաստման խնդիր ենք դնում: Իհարկե, այստեղ կան բազմաթիվ խնդիրներ, եւ մենք ձգտում ենք դրանք լուծել՝ համագործակցելով նաեւ մեր բարեկամների եւ գործընկերների հետ»,- ՌԴ կրթության եւ գիտության նախարարի հետ հանդիպմանն ասել է Նախագահ Սարգսյանը:

Նախարար Օլգա Վասիլեւան նշել է, որ կրթության, գիտության, մշակույթի ոլորտներում հայ-ռուսական համագործակցությունը պատմական խորը արմատներ ունի, այդ իսկ պատճառով, առկա ամուր հիմքի վրա այն երկուստեք շարունակաբար զարգացնելն ու ընդլայնելն ավելի դյուրին է:

ՌԴ նախարարը Հանրապետության Նախագահին տեղեկացրել է իր այցի շրջանակներում հայ գործընկերոջ հետ ունեցած քննարկման արդյունքները, ընդգծելով, որ պայմանավորվածություն է ձեռք բերվել համագործակցության ընդլայնման նպատակով հումանիտար մասնագիտությունների գծով կրթությունից բացի աշխատանք տանել եւ փորձի փոխանակում իրականացնել ինժեներատեխնիկական մասնագիտությունների զարգացման ուղղությամբ: Այդ համատեքստում նախարար Վասիլեւան հիացմունքով է խոսել Հայաստանի հանրակրթական դպրոցներում տարրական դասարաններից սկսած շախմատը՝ որպես պարտադիր ուսումնական առարկա դասավանդելու մասին, որը զգալիորեն նպաստում է այդ երեխաների շրջանում մաթեմատիկայի իմացության մակարդակի բարձրացմանը, ինչի վկայությունն են, ըստ նախարարի, մաթեմատիկայի գծով համաշխարհային առարկայական օլիմպիադաներում վերջին տարիներին Հայաստանի աշակերտների արձանագրած հաջողությունները: ՌԴ կրթության եւ գիտության նախարարը նշել է, որ անելու է ամեն հնարավորը՝ այդ պրակտիկան Ռուսաստանի հանրակրթական դպրոցներում եւս կիրառելու համար:

Հանդիպմանը Հանրապետության Նախագահը եւ ՌԴ նախարարը մտքեր են փոխանակել կրթության եւ գիտության ոլորտներում համագործակցության զարգացման ծրագրերի, փորձի փոխանակման, բարձրորակ կադրերի պատրաստման հարցերի շուրջ:

!
Այս նյութը հասանելի է նաև   Русский and Türkçe
Տպել
Կարդացեք նաև
Ամբողջը
Հայաստանում նշեցին Անհայտ զինվորի օրը. Գյումրիում Ռուսական տան ղեկավարն ընդգծեց հիշարժան ամսաթվի խորհրդանշականությունը
Դեկտեմբերի 3-ին Վանաձորի Շառլ Ազնավուրի անվան այգում հավաքվել էին Լոռու մարզպետարանի, տեղական և ռուսական հասարակական կազմակերպությունների...
Հայաստանում Ռուսաստանի դեսպանը Պուշկինի մեդալ է հանձնել Էդվարդ Թադեւոսյանին
Էդվարդ Թադեւոսյանը պարգեւատրվել է Ռուսաստանի եւ Հայաստանի ժողովուրդների մշակույթների մերձեցման եւ փոխադարձ հարստացման գործում մեծ ավանդի համար...
Արմեն Սարգսյանը Հայաստանում ՌԴ դեսպանի հետ քննարկել է տարածաշրջանային անվտանգության ու կայունության հարցերը
Հանդիպմանը մտքեր են փոխանակվել երկկողմ հարաբերությունների օրակարգի, ինչպես նաև...
Գեղարքունիքի մարզպետն ու ՌԴ դեսպանը քննարկել են մարզի սահմանային իրավիճակը
Կողմերը քննարկել են տարածաշրջանում սոցիալ-տնտեսական զարգացման հարցերը, ռուսական ընկերությունների գործունեությունը մարզում, մարզպետի...
Երևանի և Սանկտ Պետերբուրգի միջև ստորագրվել է համագործակցության «Ճանապարհային քարտեզ»
Ըստ փաստաթղթի՝ կողմերը պարտավորվել են 2021-2025թթ. ընթացքում զարգացնել…
Հայկ Մարությանը մեկնել է Սանկտ Պետերբուրգ
Սանկտ Պետերբուրգի նահանգապետ Ալեքսանդր Բեգլովի հրավերով, նոյեմբերի 29-ից...
Ամենաշատ