«ԱՄՆ նախագահ Դոնալդ Թրամփը պատերազմ է հայտարարել Հյուսիսային Կորեային»: Այս մասին հայտարարել է Հյուսիսային Կորեայի արտաքին գործերի նախարար Ռի Յոնգ Հոն, հաղորդում է Independent-ը:
«Ամբողջ աշխարհը պետք է հստակ հիշի, որ ԱՄՆ-ն է առաջինը պատերազմ հայտարարել մեր երկրին: Այդ կապակցությամբ մենք իրավունք ունենք հակազդեցության միջոցներ ձեռնարկելու, այդ թվում հարված հասցնելու ԱՄՆ ռազմավարական ռմբակոծիչներին՝ անգամ եթե դրանք մեր օդային տարածությունից դուրս են գտնվում», - ասել է նա՝ ավելացնելով, որ «հենց այդ ժամանակ, պարզ կլինի, թե ով չի կարողանա երկար դիմակայել»: Նրա խոսքով՝ Փհենյանը քննարկում է բոլոր հնարավոր տարբերակները: