DxO Labs ընկերությունը, որն ունի DxOMark տեսախցիկների պրոֆեսիոնալ համեմատության հայտնի ծառայությունը, ռեկորդային վարկանիշ է սահմանել սմարթֆոն iPhone 8 Plus- ի տեսախցիկի համար:

Ferra- ն գրում է, որ սմարթֆոնը փորձարկման ընթացքում 100 հնարավորից 94 միավոր է հավաքել, իսկ  iPhone 8-ը՝ 92 միավոր: Այսպիսով՝ DxOMark վարկանիշային աղյուսակում Apple-ի նոր սարքերը առաջին երկու հորիզոնականներն  են զբաղեցրել՝  հետ մղելով  նախորդ առաջատարներին՝ Google Pixel- ին եւ HTC U11- ին (90-ական միավոր): iPhone 7 Plus- ը եւ iPhone 7-ը զբաղեցնում են հինգերորդ եւ վեցերորդ տեղերը:

Փորձագետները նշել են, որ նոր iPhone- ների տեսախցիկները հատկապես լավ են HDR նկարահանման ժամանակ, քանի որ նրանք ավելի մանրամասն են ներկայացնում պատկերը, քան iPhone 7 Plus- ը:

DxO Labs-ի թեստավորման արդյունքում iPhone 8 Plus-ի տեսախցիկը դարձել է լավագույն սմարթֆոնների տեսախցիկների շարքում։