«Եվրատեսիլ 2017»-ի հաղթող, պորտուգալացի երգիչ Սալվադոր Սոբրալի առողջական վիճակը կտրուկ վատթարացել է, երաժշտին տեղափոխել են վերակենդանացման բաժանմունք, եւ նա սրտի փոխպատվաստման ցուցակում առաջինն է, հաղորդում է «ՌԻԱ Նովոստին»՝ վկայակոչելով Vanguardia թերթը։
Սեպտեմբերին ավելի վաղ 27-ամյա երգիչը սրտի խնդիրների պատճառով ստիպված էր հայտարարել բեմից հեռանալու եւ համերգները չեղարկելու մասին։ Բժիշկները նրան հորդորել էին ընդմիջել երաժշտական գործունեությունը եւ հանգստանալ։
Սոբրալը միացվել է հատուկ սարքին, որը աջակցում է սրտի աշխատանքին։
Նա տառապում է սորտի արատով եւ պետք է մինչեւ տարեվերջ սրտի դոնոր գտնի՝ փոխպատվաստման համար։
