Սեպտեմբերի 26-28-ը Հայաստանի ԱԳ նախարար Էդվարդ Նալբանդյանի հրավերով Հայաստան կայցելի Միացյալ Թագավորության Եվրոպայի եւ Ամերիկաների հարցերով պետնախարար Ալեն Դանքնը։
Հայաստանի ԱԳՆ-ից NEWS.am-ին հայտնում են, որ Միացյալ Թագավորության Եվրոպայի եւ Ամերիկաների հարցերով պետնախարարին կընդունի Հանրապետության նախագահ Սերժ Սարգսյանը։
Ալեն Դանքնը կհանդիպի Աժ նախագահ Արա Բաբլոյանին եւ ՀՀ վարչապետ Կարեն Կարապետյանին։
Սեպտեմբերի 27-ին նախատեսված են Էդվարդ Նալբանդյանի եւ Ալեն Դանքնի բանակցությունները, որոնց արդյունքներով նախարարները հանդես կգան համատեղ մամուլի ասուլիսով:
