Փարիզի Insitut du Monde Arabe թանգարանում սեպտեմբվերի 25-ին տեղի է ունեցել «Քրիստոնեության Ծնունդը Միջին Արեւելքում» խորագրով ցուցահանդեսը:
Բացման արարողությունը նախագահել է Ֆրանսիայի նախագահ Էմանուել Մակրոնը եւ Լիբանանի նախագահ Միշել Աուն:
Ցուցահանդեսին Երուսաղեմի Հայոց Պատրիարքարանը ուղարկել է 14-րդ դարի երկու ձեռագիր եւ խորանի 1798թ. վարագույր:
Հայ Եկեղեցու կողմից բացման արարողությանը մասնակցել են Ֆրանսիայի թեմի առաջնորդ Գերշ. Տ. Վահան Եպս. Հովհաննիսյանը եւ Ս. Աթոռի դիվանապետ Հոգշ. Տ. Կորյուն Վրդ. Բաղդասարյանը:
Նախքան ցուցահանդեսի բացումը Հոգեւոր Հայրերը ծանոթացել են ցուցահանդեսին: Ներկա է եղել Ասորիների Պատրիարք Ամենապատիվ Տ. Եփրէմ II-ը:
Ցուցահանդեսում անդրադարձ կա նաեւ Հայոց ցեղասպանությանը` նկարների միջոցով ներկայացնելով հայերի հաստատվելը Սիրիայում եւ Եգիպտոսում:
Այս մասին Facebook-ի իր էջում գրել է Երուսաղեմի հայոց պատրիարքարանի դիվանապետ Հովնան Բաղդասարյանը:
