Հայաստանում նկատվում է լուրջ տնտեսական անկում: Սեպտեմբերի 26-ին լրագրողների հետ հանդիպմանը նման կարծիք է հայտնել Հայաստանի Սպառողների միության նախագահ Արմեն Պողոսյանը:
Օրինակ, որոշ տեսակի ծխախոտների գինը բարձրացել է 280 տոկոսով, նշում է Պողոսյանը: «Քաղաքակիրթ աշխարհում մարդիկ իրենց եկամտի միայն 25 տոկոսն են ծախսում սննդամթերքի վրա, իսկ Հայաստանում՝ 60»,-մեկնաբանել է փորձագետը, ավելացնելով, որ նման իրավիճակն անթույլատրելի է, քանի որ հանրապետության քաղաքացիներն ունեն բազմաթիվ այլ կենցաղային խնդիրներ, որոնք կարելի է լուծել միայն բավարար ֆինանսական միջոցների առկայության դեպքում։