Թուրքական դատարանն ազատ է արձակել Cumhuriyet պարբերականի լրագրող Քադրի Գյուրսելին։
Թուրքական Cumhuriyet–ի փոխանցմամբ՝ Cumhuriyet–ի գործով 3–րդ դատական նիստին դատարանը ազատ է արձակել 330 օր կալանքի տակ գտնված հայտնի լրագրող Քադրի Գյուրսելին։
Ազատ արձակվելուց հետո Քադրի Գյուրսելը հայտարարել է, թե ուրախանալու ոչինչ չկա, քանի որ բազմաթիվ լրագրողներ անտեղի բանտարկված են։
Նշենք, որ Cumhuriyet–ի մի խումբ լրագրողներ մեղադրվում են Ֆեթուլլահ Գյուլենի հետ համագործակցելու եւ գյուլենական լինելու մեջ։
Հիշեցնենք, որ տարիներ առաջ Քադրի Գյուրսելը այցելել է Հայաստան եւ բավականին դրական հոդվածներ գրել Հայաստանի մասին։